Kooxda Juventus oo qorsheynaysa inay la soo saxiixato Weeraryahanka PSG ee Kylian Mbappé

0
50

(Turin) 26 Okt 2019. Kooxda kubadda cagta Juventus ayaa la rumeysan yahay inay tallaabo u qaadayso soo xero gelinta xiddiga sare Kylian Mbappé.

Warsidaha Tuttosport ayaa warinaysa in Juve ku qarash-gareynayso 380 milyan oo euro saxiixa xiddiga kooxda Paris Saint-Germain ee Kylian Mbappé.

Lacagtaas ayaana la sheegayaa inay dabooli doonto labadaba lacagta wareejintiisa iyo qandaraas shan sano ah.

Madaxweyne Andrea Agnelli iyo madaxweyne ku xigeenka Pavel Nedved ayaa kaddib kulankii saamiyada isbuucaan ee ahaa kororka 300 milyan oo euro la isku soo qaaday in Juve laga dhigo kooxda ugu sarreysa kooxaha Yurub.

Taas waxaa ku jirtay awoodda maal-gashi wayn oo lagu sameeyo khidmadaha wareejinta, iyadoo rajaynaysa in xiddigo kale oo magacyo leh ay soo raacaan tallaabooyinka Cristiano Ronaldo.

CR7 ayaa ku kacaya lacag dhan 115 milyan oo euro, iyadoo mushaarkiisa la rumeysan yahay inuu yahay 30 milyan oo euro xilli ciyaareedkii, haatanna waa 34-sano jir.

Wargeyska Tuttosport ayaa sheegaya in musharraxa ugu weyn ee ay la soo wareegi doonaan uu yahay Mbappé oo 21-sano jirsan doona bisha December, waxaana PSG ay kaga soo iibsatay kooxda Monaco qiimo lacageed dhan 180 milyan oo euro xagaagii 2017-kii.

Si looga fogaado xeerka dhaqaale wadaagga FIFA ee ‘Financial Fair Play’, waxay markii hore ahayd amaah dhan 45 milyan oo euro oo ay waajib ku tahay inay ku iibsato 135 milyan oo euro oo dheeraad ah sanad kaddib.

Xiddiga xulka qaranka Faransiiska ee ku guuleystay Koobka Adduunka ayaa haatan u dhaliyey 66 gool, isagoo u sameeyey 36 caawin 95 kulan oo uu u saftay kooxdiisa PSG.

Gool FM.

LEAVE A REPLY

Please enter your comment!
Please enter your name here