Horudhac: Manchester City vs Aston Villa… (Wax waliba oo aad uga baahan tahay kulanka galabta ee Premier League)

0
35

(Manchester) 26 Okt 2019. Kooxda kubadda cagta Manchester City ayaa kulan ka tirsan horyaalka Premier League galabta ku soo dhoweynaysa Aston Villa garoonkeeda Etihad Stadium.

Citizens ayaa doonaysa inay guul gaarto si ay cadaadiska ugu sii hayso kooxda ay ku hardamayaan hanashada horyaalka Premier League ee Liverpool.

Ogeysiiska Ciyaarta:-

Tartanka: England – Premier League

Taariikhda: Sabti, 21 Okt 2019

Saacadda ay bilaabaneyso dheesha: 02:30 Duhurnnimo xilliga geeska Afrika.

Garsooraha: Graham Scott (England)

Garoonka: Etihad Stadium

Wararka Kooxaha:-

Laacibka khadkad hexe ee Manchester City Rodri ayaa dhaawac muruqa ah uu soo gaaray bartamihii todobaadkan, waxaana la filayaa inuu garoomada ka maqnaan doono illaa bisha November ee fasaxa caalamiga ah.

Oleksandr Zinchenko ayaa wajahaya maqnaansho muddo dheer ah kaddib dhaawac uu ka qabo jilibka, laakiin John Stones ayaa ku soo bilaaban kara safka hore markii ugu horreysay tan iyo bartamihii September.

Kooxda Aston Villa daafaceeda James Chester ayaa diyaar ah oo la heli karaa markii ugu horreysay xilli ciyaareedkan, halka  Jonathan Kodjia iyo Kortney Hause ay sidoo kale taam yihiin markale.

Naadiga Aston Villa kaliya halka ciyaaryahan oo ka maqan kulankan waa laacibka garabka uga ciyaara ee Jota.

Xiddigan reer Spain ayaa sii wadan doona ka soo kabashadiisa qalliin lagu sameeyey.

Xaqiiqooyinka Ciyaarta:-

>- Manchester City ayaa guuleysatay sagaalkeedii kulan ee ugu dambeeyey oo ay horyaalka Premier League kula ciyaartay garoonkeeda naadiga Aston Villa, waxaana ay iska dhaliyeen cel-celis ahaan mudadaas 30-4 goolal ah, guuldarradii ugu dambeysay ee City kulan horyaalka ah ay Aston Villa ku bado garoonkeeda waxa ay ahayd bishii April sanadkii 2007, markaasoo looga adkaaday Sky Blue 2-0.

>- Aston Villa ayaa ku guuldarreysatay inay gool dhaliso toddobo ka mid ah sagaalkii kulan ee ugu dambeysay oo ay Premier League ku wajahday Manchester City, waxaana ay kala kulantay 1 guul, 1 barbaro iyo 7 guuldarro, iyadoo labadii kulan ee ay goolal dhaliyeen ay ku dhamaadeen 3-2, waxaana ay la kulmeen labadaan kulan 1 guul iyo 1 guuldarro.

>- Manchester City ayaan guuldarro la kulmin kulammo xiriir ah oo ay horyaalka ku ciyaartay garoonkeeda tan iyo bishii Febraayo sanadkii 2016-kii, halka Tababare Pep Guardiola aysan weligiis kulamo isku xiga horyaalka aysan gurigiisa ku soo gaarin guuldarro xirfaddiisa macallinnimo.

>- Man City ayaa horray ugu guuldareysatay inay guuleysato labo ka mid ah afartii kulan ee ay ku ciyaareen garoonkooda xilli ciyaareedkan Premier League, waxaana ay haystaan 2 guul, 1 barbaro iyo 1 guuldarro) waana in ka badan sidii ay sameeyeen xilli ciyaareedkii 2018-19 oo dhan oo ay la yimaadeen 18 guul iyo 1 guuldarro).

>- Afartii kulan ee ugu dambeysay Premier League, xiddiga Aston Villa ee Jack Grealish ayaa ku lug lahaa afar gool 2 gool oo uu dhaliyey  2 caawin oo uu sameeyey, wuxuuna u abuuray 15 fursadood asxaabtiisa kooxda, shantii kulan ee ugu horreysay horyaalka xilli ciyaareedkan, waxa uu ku lug lahaa kaliya hal gool, waana 1 caawin oo u sameeyey, isagoo abuuray 10 fursadood.

Shaxda Macquulka ah Man City ay ku soo geli karto: Ederson; Cancelo, Stones, Otamendi, Mendy; De Bruyne, Fernandinho, Silva; Bernardo, Aguero, Sterling. 

Gool FM.

LEAVE A REPLY

Please enter your comment!
Please enter your name here